fbpx
Historia da Toxa2019-05-03T13:11:12+01:00

A ILLA DA  TOXA, COMO XURDÍU TODO


O descubridor

Durante o Século XVIII a illa da Toxa era aínda descoñecida para os veciños do Grove, principalmente debido a que as augas do Océano Atlántico que a rodeaban e as plantas do toxo (de onde a illa obtén o seu nome) dificultaban o acceso.

Para eles cobra sentido o que certas lendas relatan, que o primeiro colono foi ¡un burro! O seu dono abandonárao, xa que o animal se encontraba nun lamentable estado de saúde, pero para a súa sorpresa ao regresar atopouno máis forte que nunca. As propiedades das augas termais e os lodos propios da illa revitalizárano.

O Balneario

En 1841, o botánico Antonio Casares confirmaba o que o burro xa descubrira. O químico e farmacéutico galego atopou metais como: calcio, ferro, magnesio ou sodio. Unido a temperaturas entre 30 e 60 grados centígrados convertía as augas no lugar ideal para curar certas enfermidades. O propietario coñecido como o Marqués de Riestra tívoo claro, alí había posibilidade de negocio. Un ano despois obtivo unha autorización para abrir o primeiro Balneario da Toxa.

Pero o Marqués non se estancou na súa idea e en 1907 O Gran Hotel da Toxa foi inaugurado. Algunhas curiosidades daquel proxecto foron:

O arquitecto foi o ourensán Vázquez-Gulías.

A construción estaba inspirada noutros balnearios como o francés de Vichy, o checo de Marienbad ou o alemán de Baben Baben.

– Foi a primeira vez que se utilizou formigón armado nunha construción en Galicia.

Fotografía do balneario da Toxa en 1901

O éxito do Balneario e do Hotel, en parte, foi grazas á construción dunha ponte que facilitaba o acceso á Toxa, que ata aquel momento só era posible andando con baixamar ou en barco. É digno de mención que o viaduto era o máis longo do vello continente, con case 300 metros de longo, que se construíra ata entón.

A Fábrica de Xabóns

Pronto o seu negocio tivo que dar un paso máis. Cada vez que as grandes celebridades da época ían ao balneario quedaban moi satisfeitos e revitalizados fisicamente. Pero, obviamente debían volver ás súas residencias e obrigas cotiás. Para solucionalo, ao Marqués ocorréuselle a brillante idea de comercializar as sales da Toxa. Así, os visitantes gozaban das propiedades medicinais da illa en calquera momento. E en 1904, a compañía sacou ao mercado o primeiro xabón da Toxa.

Unha historia que se repite…

Durante a Guerra Civil Española, o Gran Hotel a Toxa foi convertido nun hospital de sangue. E na posguerra, refuxio para os feridos daquela guerra. Tempo despois, o hotel pasa ás mans de Pedro Barrié de la Maza que intenta revivir aquel proxecto e constrúe o casino en 1987, fai as primeiras reformas importantes do Gran Hotel e traslada a fabricación dos produtos A Toxa para A Coruña.

Estas políticas axudan a que o complexo volva gozar dos seus mellores momentos, en 1989 o Grupo Bilberberg acode ás instalacións para celebrar unha das súas reunións anuais e outras celebridades importantes como políticos, cantantes e outros clubs destacados acoden a aquel paraíso para gozar da gran tranquilidade que transmite o entorno.

Xa en 1990 se produce a última reforma importante. E en 2007, deixouse de producir en Galicia, unha mala noticia non só no económico senón no sentimental.

A pesar de todo, o Eurostars Gran Hotel A Toxa segue sendo o único balneario cinco estrelas que podemos encontrar en Galicia. Un lugar onde non só é posible relaxarse nas súas augas e lodos reconstituíntes senón un lugar máxico, un paraíso onde atopará esa paz e desconexión ás veces necesaria e onde quizais se encontre con algunha celebridade coa que sacarse unha foto e presumir logo cos amigos.

 

SOLICITE INFORMACIÓN

Para calquera dúbida ou para concertar unha visita aos nosos pisos pilotos, escríbanos e porémonos en contacto con vostede.

RESPONSABLE: PROMOCIÓNS INMOBILIARIAS TOJAMAR, S.L.
FINALIDAD DO TRATAMENTO E LEXITIMACIÓN: Inicio ou mantemento da relación comercial ou mercantil, estando lexitimados para iso por ter ó seu consentimiento ou por ter un interese lexítimo para iso.
DESTINATARIOS: Os datos personais no se cederán a terceiros. Únicamente terán acceso os encargados do tratamento cando sexa estritamente necesario.
EXERCICIO DE DEREITOS: Permitese o exercicio dos dereitos de acceso, rectificación ou supresión, a limitación do tratamento, oposición e derecho á portabilidade dos seus datos. Para iso, deberá enviar un correo electrónico a ventas@tojamar.com
INFORMACIÓN ADICIONAL: Podrá obter toda a información detallada. Acceda a nosa Política de Privacidade.